• حداد لمدة أسبوع علي أرواح ضحايا أحداث بورسعيد الدامية

شرح خدمة الكول تون من اتصالات مصر 2010 + كيفية الاشتراك و معلومات كتير عن الخدمة!!!

الخميس، أغسطس 26، 2010 Labels:
السلام عليكم و رحمة الله و بركاته

الكول تون من اتصالات مصر...شرح كامل


اتصالات بتقدملك خدمة ال "كول تون" أو "Call Tone" و طبعا هنا ان شاء الله هنشرح كل حاجة عن الخدمة ديه

شرح خدمة الكول تون مع اتصالات مع أكواد 2010 + الاسعار


يعني ايه "كول تون"؟؟


يعني اللي هيتصل بيك بدل مايسمع رنة التليفون العادية أو الجرس....هيسمع نغمة أو تون أنت اللي هتختارها....يعني من الآخر كأن حضرتك بتسلي الراجل و الست لحد أما سيادتك تتكرم و ترد عليه

شرح خدمة الكول تون مع اتصالات مع أكواد 2010 + الاسعار


ايه الرنات أو النغمات الموجودة؟؟
بص يمعلم أو معلمة....فيه نغمات أغاني و موسيقي شعبية و مقاطع كوميدية و نغمات دينية كمان...يعني بالصلاة علي النبي كل حاجة..وأنت نقي اللي علي مزاجك ياجميل


شرح خدمة الكول تون مع اتصالات مع أكواد 2010 + الاسعار


ممكن أخلي الكول تون لشخص معين بس لما يتصل بيا؟؟
 ممكن طبعا..زي ما أنت عايز

ممكن أهدي رنة كول تون لحد؟؟
ممكن بردة لو حضرتك عايز


شرح خدمة الكول تون مع اتصالات مع أكواد 2010 + الاسعار


طيب ممكن أشغل الخدمة في الوقت اللي أنا عايزة؟؟
ممكن ياريس تحدد المعاد اللي يناسبك...و اتصالات كمان موفرالك كام توقيق جاهز ممكن تضبط عليهم علي طول و هما من 8 الصبح لحد 5 بليل أو من 5 بليل الي 8 الصبح أو ممكن في الاجازة بتاعت أخر الاسبوع اللي هيا الويك يند Weekend يعني يوم الجمعة و السبت

شرح خدمة الكول تون مع اتصالات مع أكواد 2010 + الاسعار


 تصدق ان انت كمان ممكن تسجل نغمة بصوتك و تحطها كول تون....كل اللي عليك انك تسجل النغمة و هتوصلهم و هيوافقوا عليها في خلال 5 أيام

طبعا مصلحة.....ياسلام لو صوتك وحش....تخصص النغمة ديه للناس اللي أنت قرفان منهم و اديك تعذبه

شرح خدمة الكول تون مع اتصالات مع أكواد 2010 + الاسعار


أنت كمان لو كنت بتكلم حد و عجبتك الكول تون اللي الحد دة حطتها ممكن تاخدها و تحطها انت كمان عن طريق حاجة اسمها RBT Copy .....ازاي؟؟
و أنت بتسمع الكول تون تدوس * و بعد كدة # هيوصلك SMS رسالة من اتصالات علشان تأكد عليك لو أنت عايز النغمة...هتأكد و النغمة تبقا عندك كول تون


شرح خدمة الكول تون مع اتصالات مع أكواد 2010 + الاسعار



دلوقتي أنت عايز تشترك....تعمل ايه؟؟؟
هتتصل من موبايل اتصالات ب 1500 أو تخش علي موقع اتصالات موبايل بورتال Etisalat Mobile Portal و دة الرابط بتاعه 
و تسمع النغمات و تشتري النغمة اللي أنت عايزها و السعر هيبقا مكتوب أو هيتقالك ساعتها


شرح خدمة الكول تون مع اتصالات مع أكواد 2010 + الاسعار
 لو عايز تعرف أكواد خدمة الكول تون "Call Tone" من اتصالات مصر قبل ما تتصل بيهم....خش علي الموضوع ده:



و كل سنة و أنتم طيبين 
 
 
لو  تحب تكون من أوائل الناس اللي تتعرف علي عروض شركات المحمول المصرية فودافون موبينيل اتصالات , كل اللي عليك أنك تشترك بالمدونة و هتوصلك الاخبار أول بأول بمجرد نزولها في المدونة!
شكرا علي الزيارة الكريمة و ياريت تنورنا دائما!
للذهاب للصفحة الرئيسية , اضغط هنا 

10 تعليقات:

غير معرف يقول...

لو معايا كود كول تون ابعتوا ازاي في رسالة

ZeYaD RaMzY يقول...

كلام جميل يا برنس .. بس انا عندى طلب صغير.. حضرتك لو كنت جبت خط اتصالات اول ماطلعت كانو بيحطو كول تون جميلة جدا كدا لمدة 15 يوم من شرا الخط .. لو تعرف تجيبلى النغمة دى تبقى عملت فيا جميل العمر وايميلى هو
zeyad_2121@hotmail.com
شكرا ليك مقدما

غير معرف يقول...

عايزه اضع كول تون لموبيلي في خط اتصالات

غير معرف يقول...

ببل

غير معرف يقول...

عايزة احط كول تون ونبى على تلفونى ومش عارفة

غير معرف يقول...

سهلة اوى
انا احط الاغنية اليسا
لو بصيت جميلة اوى
كول تون بتاعها 100071 فقط
تحفة اوى وشكرااااااا

غير معرف يقول...

انا في اغنية معينة عايز احطها كونتون اعمل اية بس الاغنية مش موجودة في الاكواد خالص الاغنية اسمها نفسي احضنك دلوقتي اعمل اية ممكن الرد

غير معرف يقول...

عايزه اعرف ادخل ازاى كود كول تون اتصالات

Mostafa Mohsen يقول...

اتصلى ب1500 واتبعى التعليات
او عن طريق الكود
لو معاكى كود اتصالات ابعتيه فى رساله على 1500وهيشتغل بعد5دقائق
01122061601
وده رقمى للاستفسار عن اى شئ

Mostafa Mohsen يقول...

لو عن طريق الكود : اكتبى الكود فى رساله وارسليه فى رساله الى 1500
لو عن طريق الاستماع الى الاغانى اتصلى ب1500واتبعى التعليمات
ولو فى اى استفسار
ده رقمى
01122061601

إرسال تعليق

 
عروض موبينيل - فودافون - اتصالات © 2011 | تعريب وتطوير : سما بلوجر | Designed by Blogger Hacks | Blogger Template by ColorizeTemplates