فودافون:كلم 3 من أصحابك ببلاش(مش قوي) مع عرض حكاوي فريندز!!

السلام عليكم و رحمة الله و بركاته

عرض حكاوي فريندز من فودافون مصر - كلم أصحابك ببلاش

 العرض هم "حكاوي فريندز" من فودافون مصر:

 النوع ده من العروض منتشر جامد جدا حاليا سواء من فودافون أو موبينيل أو اتصالات..هتلاقي العرض نفس الفكرة مع اختلاف التفاصيل:

عرض حكاوي فريندز من فودافون مصر!مدونة عروض و اخبار موبينيل فودافون اتصالات!الخط هندلعه

المهم...العرض عبارة عن ايه؟ 

فودافون بتخليك تختار لحد 3 أرقام فودافون و تكلمهم كل يوم من الساعة 12 بليل لحد الساعة 6 مساءا ببلاش...و باقي اليوم ب 5 قروش للدقيقة....بس أكيد مش ببلاش خالص...لازم برضه تنفذ شوية شروط علشان تستفيد من الحوار ده!!

ايه الشروط؟؟

لازم يوميا تتكلم 3 دقائق لرقم من التلات أرقام اللي انت اخترتهم..طبعا بسعر الدقيقة العادية....و بعد كده كلمهم ببلاش براحتك

مش براحتك أوي برده...فيه سياسة الاستخدام العادل أو بالعربي الفصيح سياسة هادم اللذات...السياسة ديه بتقولك ان أخرك 120 دقيقة أو ساعتين يوميا ببلاش تكلم فيهم الأرقام اللي حضرتك اخترتهم...و لو أنت مخلصتش ال 120 دقيقة اليومية مش بيتأجلوا اليوم اللي بعده...لأ بيروحوا عليك خالص..يعني من الأخر حاول تاخد حقك منهم تالت و متلت كل يوم و خاص الساعتين اللي ببلاش!!

عرض حكاوي فريندز من فودافون مصر!مدونة عروض و اخبار موبينيل فودافون اتصالات!الخط هندلعه

طب هل العرض ده دقائق مكالمات فقط؟

لا...انت كمان ممكن تبعت رسائل مجانا بلا حدود(أكيد فيه حدود علشان سياسة الاستخدام العادل) للتلت أرقام فودافون اللي أنت اخترتهم في عرض "حكاوي فريندز"!!

علشان تستفيد من عرض الرسائل بلا حدود..اتصل ب :

  *8077*3#

و الخدمة ديه ب 3 جنية!

ازاي أشترك في الخدمة؟

للتحويل لحكاوي فريندز كلم 880 بقرش واحد
لتشغيل حكاوي فريندز، كلم 8077 ب 10 قروش
 

ازاي اختار ال 3 أرقام فودافون؟

هتتصل ب 8077 و تمشي مع الرسائل الآلية و تدخل الارقام اللي أنت عايزها

و هتكلفك المكالمة ديه 10 قروش....و كمان لما تحب تدخل أي تعديلات هتتصل برده بالنمره ديه!

عرض حكاوي فريندز من فودافون مصر!مدونة عروض و اخبار موبينيل فودافون اتصالات!الخط هندلعه

لو عايز أغير نمرة من نمر فودافون التلاتة اللي أنا دخلتهم؟؟؟

هتكلم 8077 ب 10 قروش و تمشي مع النظام الآلي و فودافون بتسمحلك تغير الأرقام  3 مرات في الشهر ببلاش...و بعد كدة انت ممكن تغير 5 مرات كمان بعد التلت مرات اللي ببلاش في الشهر بس هتدفع جنية لكل تغيير هتعمله!!

طب بالنسبة لتكلفة باقي المكالمات لأي موبيل فودافون تاني أو خط أرضي أو شبكة تانية؟

سعر الدقيقة لخط فودافون آخر = 20 قرش لأي وقت في اليوم

سعر الدقيقة لخطوط موبينيل أو اتصالات أو خط ارضي = 30 قرش  لأي وقت في اليوم

عرض حكاوي فريندز من فودافون مصر!مدونة عروض و اخبار موبينيل فودافون اتصالات!الخط هندلعه

 

 العروض المماثلة لهذا العرض من شركات المحمول الأخري:

موبينيل : موبينيل : نظام أحسن ناس!!!كلم أصحابك كل يوم بس مش ببلاش أوي!!! 

 اتصالات: عروض الكارت و الخط من اتصالات مصر!!شوف ايه اللي يناسبك؟؟

لو  تحب تكون من أوائل الناس اللي تتعرف علي عروض شركات المحمول المصرية فودافون موبينيل اتصالات , كل اللي عليك أنك تشترك بالمدونة و هتوصلك الاخبار أول بأول بمجرد نزولها في المدونة!

شكرا علي الزيارة الكريمة و ياريت تنورنا دائما!

للذهاب للصفحة الرئيسية , اضغط هنا