• حداد لمدة أسبوع علي أرواح ضحايا أحداث بورسعيد الدامية

خدمات الانترنت من شركات المحمول المصرية ADSL!!الجزء الاول"شركة اتصالات مصر"

الاثنين، أغسطس 30، 2010
السلام عليكم و رحمة الله و بركاته

الموضوع ده ان شاء الله هنجمع فيه كل المعلومات عن خدمة الانترنت فائق السرعة أو ADSL بس للتلت شركات بتوع المحمول في مصر فودافون و اتصالات و موبينيل

هنبدأ بشركة اتصالات
عروض شركة اتصالات للانترنت مع الشرح


 اتصالات بتوفر خدمة ال ADSL تحت مسمي "Etisalat Smart ADSL" و العروض بتنقسم الي عرضين:

1-عرض الكارت
2-عرض الفاتورة

يعني بالضبط زي خطوط المحمول...اما كارت و بتشحن..أو فاتورة و بتدفع شهري

1-عرض الكارت :

ميزة النظام ده انك هتدفع علي قد استخدامك للخدمة.....سواء استخدمت جيجا أو 2 أو 10...كله علي حسب الاستخدام

خصائص العرض كتير....تعالوا نشوفها مع بعض:

السرعة بتاعتك هتكون 512 Kb/Sec و ديه سرعة حلوة و معقولة

المشكلة الحقيقية في سعر الجيجا من التحميل و التصفح...الجيجا هتكون ب 30 جنية و ده كتير أوي 

لما حضرتك تيجي تشترك هتدفع 50 جنية تمن الخط و هتاخد الخدمة بس مش هيكون في رصيدك أي حاجة .... يعني zero جيجا تصفح و تحميل و هما كمان هيركبولك ال router ببلاش بس هتدفع تمن الروتر لو أنت اشتريته أو هتدفع الايجار الشهري بتاع الراوتر

و للعلم سعر الراوتر في حالة الشراء 199 جنية و التأجير ب 20 جنية شهريا...طبعا أحسن نشتريه و نخلص بدل كل شهر ما تدفع

و علشان الخدمة ديه زي ماقولنا شبة نظام الكارت بتاع خطوط المحمول العادية مطلوب منك تشحن ب 30 جنية علي الأقل أو تستخدم 1 جيجا خلال 60 يوم علشان الخدمة تفضل مستمرة

يبقي هنعمل حسبة بسيطة من الاخر....لو أنت هتشترك في الخدمة ديه:

هتدفع 50 جنية تمن الخط + هتشحن ب 30 جنية تمن كل جيجا + هتدفع تمن الراوتر مرة واحدة ب 199 جنية أو تأجره شهريا ب 20 جنية و التركيب هيكون مجاني

لو عايز أشترك في الخدمة أعمل ايه؟؟؟
اتصل بخدمة العملاء بتاعت اتصالات على 777 من اى خط اتصالات أو 16511 من اى خط ارضي او محمول اخر
للاستفسار عن المبيعات اتصل على 511 من اى خط اتصالات او 16511 من اى خط ارضي او محمول....بس طبعا ان شاء الله مش هنحتاج استفسار بعد الشرح ده


2-عرض الفاتورة:

نفس فكرة لما تشتري خط موبايل و تدفع فاتورة شهرية بعد لما بتشترك بنظام معين مناسب ليك

فيه نوعين من العرض ده....نوع محدود و نوع غير محدود.....طبعا هنشرح

الغير محدود أو Unlimited يعني تصفح و حمل زي ما أنت عايز....مفيش أخر لكمية الجيجابيتس اللي مسموحلك بيها

و علي العكس المحدود Limited بيبقي فيه حدود للجيجابيتس المسموحة للمشترك

ديه صورة من موقع اتصالات الرسمي بتوضح العروض كلها و هنشرحها ان شاء الله
عرض اتصالات سمارت الفاتورة
  اشترك و كن متصلا : معناد انك هتاخد USB مودم مجانا عند الاشتراك
جيجابايت زائد: معناه هتدفع كام علي كل جيجابايت زيادة فوق الحد السموح بيه و طبعا ده مش موجود في نظام الغير محدود و لكن موجود في المحدود
Inclusive جيجابايت : ده هو عدد الجيجابايتس اللي مسموح بيها للمشترك في نظام المحدود و بعد ما بتخلص بنبدأ نخش في قصة الجيجابايت الزائد

 هنا بعض العروض الحالية اللي الشركة بتقدمها
واحد لاشتراك الشهر و واحدة لاشتراك الست شهور و واحدة لاشتراك السنة


حاليا لفترة محدودة: 
لمشتركى سمارت ADSL الغير محدود بالدفع الشهرى ستحصل على ثلاثة شهور مجانا (ادفع شهر و الشهر الاخر مجانا لمدة 6 شهور) و USB مودم مجانا مشحون ب 50 جنيه للدخول الفورى على الانترنت فى نفس اليوم و فى حالة شراء راوتر اتصالات خدمة التركيب المنزلى مجانا


لمشتركى 6 شهور فى سمارت ADSL الغير محدود, ستحصل على ثلاثة شهور إضافية مجانا و راوتر اتصالات مجانا و خدمة التركيب المنزلى مجانا و USB مودم مدفوع مقدما مجانا مشحون ب 2 جيجابايت للدخول على الانترنت فى نفس اليوم 

 لمشتركى 12 شهر فى سمارت ADSL الغير محدود ستحصل مجانا على USB مودم المدفوع مقدما مشحون ب 2 جيجابايت للدخول الفورى على الانترنت فى نفس اليوم و تحصل مجانا على راوتر اتصالات


للعلم....سعر الراوتر للشراء 199 جنية...و سعر التأجير الشهري 20 جنية

و بالنسبة للمشتركين في الخدمة المحدودة Limited بعد ما يتم تشغيل الخدمة علي الراوتر..هيتسحب منك ال USB...يعني هو هيديك ال USB تمشي بيه حالك لحد اما يجي و يركب الراوتر


كدة الحمد لله شرحنا حوار اتصالات  في خدمات الانترنت فائق السرعة أو ال ADSL

في الجزء الاول!

انتظروا الأجزاء التالية قريبا للغاية ان شاء الله!! 


لو  تحب تكون من أوائل الناس اللي تتعرف علي عروض شركات المحمول المصرية فودافون موبينيل اتصالات , كل اللي عليك أنك تشترك بالمدونة و هتوصلك الاخبار أول بأول بمجرد نزولها في المدونة!
شكرا علي الزيارة الكريمة و ياريت تنورنا دائما!
للذهاب للصفحة الرئيسية , اضغط هنا 














4 تعليقات:

غير معرف يقول...

إنت باشا بجد والله اول مرة القي الشرح دة عالنت ..
ممكن تجاوبلي على شوية استفسارات لو سمحت ..

ما هي مسافة عمل الروتر ؟
هل يمكن تركيب سويتش عليه حتى أستطيع التوصيل بأجهزة لايوجد بها كارتة ويرلس ؟
هل الخدمة جيدة (لاتنقطع)
إين مراكز الدفع في مصر بالأسكندرية

شكراً لك مقدماً ..

مسلم مصري يقول...

السلام عليكم و رحمة الله و بركاته

أنا شاكر جدا لحضرتك علي كلامك و الاجابة لاستفسارات حضرتك كلها هنا ان شاء الله
http://egymobilepromos.blogspot.com/2010/10/1.html
و أتمني حضرتك لا تتردد في طرح المزيد من الاسئلة

غير معرف يقول...

شكراً لك...إستفدت كثيراً..

مسلم مصري يقول...

حضرتك منورنا و منور المدونة

إرسال تعليق

 
عروض موبينيل - فودافون - اتصالات © 2011 | تعريب وتطوير : سما بلوجر | Designed by Blogger Hacks | Blogger Template by ColorizeTemplates