العدد 2 من راوتر فودافون : صور و مواصفات و معلومات عن الخدمة!!صور حصرية جدا بالداخل!!

السلام عليكم و رحمة الله و بركاته

في العدد الثاني من موضوع صور و مواصفات راوتر فودافون هنحاول نشرح مواصفات الجهاز بطريقة مبسطة ان شاء الله!

مواصفات راوتر فودافون

 أولا جهاز فودافون واي فاي انترنت Vodafone Wi-Fi Internet:

علشان تشغل الجهاز كل المطلوب منك انك تحط ال Vodafone USB Modem في الراوتر زي الصورة ديه :

وضع Vodafone USB Modem داخل الراوتر

التقنية المستخدمة اسمها Vodafone Broadband بحيث أن ال USB Modem بيعمل نقطة اتصال و بعد كدة تقدر تستخدم الراوتر عادي جدا كأنه أي راوتر و السرعة بتوصل ل 7.2 ميجا بايت في الثانية الواحدة و السرعة طبعا حسب اشتراكك في الخدمة.

مواصفات راوتر فودافون + صور حصرية جدا للمدونة!

 طيب أن مش عندي USB Modem يبقي أستخدم الراوتر عادي جدا كأنة راوتر في البيت بوصل الخط الرئيسي للخط الأرضي بالبيت أو المكتب عندي بفتحة الراوتر المخصصة لكدة و بطلع وصلات أو بشتغل بالوايرليس Wireless  و الجهاز ممكن أوصل بيه 4 أجهزة عادي جدا ده غير الوايرليس.

 الجهاز فيه 3 USB Port بستخدمهم لو مثلا أنا عامل شبكة بين مجموعة من الأجهزة و عايز أوصل طابعة Printer أو سكانر Scanner بين الأجهزة في نفس الوقت و بالتالي أقدر أستخدم الراوتر في كدة.

مواصفات راوتر فودافون + صور حصرية جدا للمدونة!

 نيجي بأة للمهم و هو سعر الجهاز؟

الجهاز ب 499 جنية و طبعا ده الراوتر لوحده من غير أي حاجة و لو عايز تشتري Vodafone USB Modem هتدفع طبعا 99 جنية زيادة و طبعا غير اشتراك الانترنت عند شركة فودافون

مواصفات راوتر فودافون + صور حصرية جدا للمدونة!

 أتمني تكونوا استفدتم من الجزء الثاني من الموضوع و فيه أجزاء أخري هتنزل ان شاء الله

شكرا علي المرور الكريم! 

موضوع يهمك : 

العدد 1 من راوتر فودافون : صور و مواصفات و معلومات عن الخدمة!!صور حصرية جدا بالداخل!!