عرض موبينيل لرمضان:ادفع 25 جنية و بريزة و اتكلم 60 ساعة!!

السلام عليكم و رحمة الله و بركاته

موبينيل - عرض جديد

طبعا اسم عرض موبينيل الجديد جننك زي ماجنني واحد بيقولك اتكلم طول النهار ببلاش ياسلاممممممممممممممممممم سلم


أنا حبيت بس نحلل العرض و نطلع الخبايا بتاعت العرض أو لامؤاخذة الخوابير

تعال نقرأ كتبوا ايه علي موقع موبينيل الرسمي :

قالك لو عايز تشترك ازاي؟؟

• لو أنت مشترك قديم في شبكة موبينيل هتتصل علي 442 ببلاش  و هيخصم منك تمانية جنية وقتي علي رأي صيصا
• لو أنت مشترك جديد روح اشتري خط ألو و اتصل ب 445 و اختار نظام رمضان و أديك تبقا نفعتهم بخط جديد و مش هيدفعوك رسوم العرض

الحمد لله اشتركنا في عرض موبينيل

اشتركنا و الحمد لله نبدأ بأه نشوف شروط موبينيل علشان يخلوك تتكلم ببلاش واخد بالك معايا!!

1.لازم من الساعة 4 الفجر الي الساعة 7 بليل تتكلم 3 دقائق لأي حد في مصر علشان تقدر تكمل بعد كده الفترة و أنت بتتكلم ببلاش و قالك الدقيقة لأي حد ب 19 قرش يعني يوميا 19 قرش X  تلاتة يبقا يوميا  57 قرش و خلي بالك دفعنا قبل كده 8 جنية

و رمضان تلتين يوم يبقا  17 جنية و بريزة سيبك من البريزة يبقي توتال هتدفع 25 جنية شهريا علشان تكلم ببلاش طول رمضان الصبح مع موبينيل.

2.سياسة الاستخدام العادل اللي ورانا في كل حاجة في النت و الموبايل و كل حاجة ناقص النفس و نخلص قالك ايه بص ياسيدي أخرك 120 دقيقة ببلاش كل يوم يعني ساعتين يومين يعني برده 60 ساعة طول رمضان و طبعا لازم تكون لموبايل موبينيل بس.

3.بليل بقا بعد الساعة 7 بليل هنتكلم ب 19 قرش للدقيقة لأي حد 

وطلنعا خوابير عرض موبينيل

يعني من الاخر العرض عبارة عن :

ادفع 25 جنية و بريزة تكلم 60 ساعة في رمضان من 4 الفجر الي 7 مساءا كل يوم لخطوط موبينيل زيك ده غير اللي هتدفعوا بعد الساعة 7 لو عايز تكلم أي حد في مصر هتتدفع 19 قرش علي الدقيقة و كل سنة و انت طيب!!! 

موبينيل بتقللك كل سنة و أنت طيب