اجابة عن استفسارات زوار المدونة الكرام 1

السلام عليكم و رحمة الله و بركاته

اجابة عن استفسارات زوار المدونة الكرام 1

الموضوع ده علشان أرد بيه علي أحد استفسارات الاخوة الكرام من الزوار الكرام

 المشاركة علي موضوع :
خدمات الانترنت من شركات المحمول المصرية ADSL!!الجزء الاول"شركة اتصالات مصر"
 

المشاركة هي :

إنت باشا بجد والله اول مرة القي الشرح دة عالنت ..
ممكن تجاوبلي على شوية استفسارات لو سمحت ..

ما هي مسافة عمل الروتر ؟
هل يمكن تركيب سويتش عليه حتى أستطيع التوصيل بأجهزة لايوجد بها كارتة ويرلس ؟
هل الخدمة جيدة (لاتنقطع)
إين مراكز الدفع في مصر بالأسكندرية

شكراً لك مقدماً ..

  

 أنا طبعا شاكر جدا ليك و أتمني المدونة تحصل علي اعجابك

بالنسبة لأسئلة حضرتك :

1-  ما هي مسافة عمل الروتر ؟

السؤال ده ملوش عندي اجابة أكيدة بس أنا المعلومة اللي عندي:

فهناك نوعان من الـ wi-fi احدهما بامتداد موجات قصيرة طولها 2.4GHz اما الاخرى فهي بمتداد 5GHz وهي غير موجوده بالسوق وذلك لدواعي امنيه .
بالنسبة للتردد 2.4GHz قد تصل الى مسافة 300 متر بدون حواجز اما التقنية الاخرى فتصل الى 800متر بدون حواجز وهي لا تفضل وذلك لانها تتدخل مع الموجات الاخرى القريبه منها .و راوتر اتصالات بتردد 2.4 GHZ  فنقدر نقول السافة 300 متر.

2-هل يمكن تركيب سويتش عليه حتى أستطيع التوصيل بأجهزة لايوجد بها كارتة ويرلس ؟

راوتر اتصالات أساسا فيه واير ليس فحضرتك مش محتاج تقلل من النقطة ديه خالص ان شاء الله

 
 3-هل الخدمة جيدة (لاتنقطع)؟

 اجابة السؤال ديه بتتوقف علي حاجات كتير أولا السنترال اللي حضرتك تبعه يعني مثلا فيه سنترالات بتبقي مليانة مشاكل و كل شوية تقطع و طبعا الجزء ده حضرتك أعلم بيه مني لكن اللي أنا واثق فيه أن الشركة محترمة جدا و هتلاقي خدمة مميزة جدا علشان الشركات ديه لسة بتبني ثقة في السوق و لازم يبقي مفيش غلطة و الدعم الفني هيكون ان شاء الله زي الفل و الناس قمة في الاحترام و أنا أعرف ناس كتير مشتركين مثلا في فودافون و الصراحة زي الفل و النت مش بيقطع و لما بيكون فيه مشاكل الشركة بتتصل و تقولك مثلا أن النت هيتفصل عنك مثلا لمدة ساعة أو حاجة نتيجة صيانة أو حاجة لكن المشكلة الكبري هي السنترال و برده الي بيأثر علي الخدمة الاسلاك في البيت يعني مثلا البيوت القديمة أوي بتبقي الخدمة أضعف و أحسنلط تغير سلك النحاس القديم دة علشان بيهدر الطاقة.

4-إين مراكز الدفع في مصر بالأسكندرية ؟

حضرتك الميزة لما تشترك في الخدمات للانترنت عن طريق شركات المحمول ممكن تدفع عن طريق الشحن بكروت شحن علي الموبايل و هما بيسحبوا منك كل أول شهر و ده نظام جامد جدا لأن حضرتك أساسا بتدخل الانترنت علي رقم موبايل و طبعا علي الخط الارضي في السنترال.و التركيب كمان بيكون ببلاش تقريبا بس ده ممكن يكون عرض و خلص و بيجيلك لحد البيت انت بس بتكلمهم و بتحدد معاد التركيب و الناس بتيجي لحد عندك و الصراحة قمة في الذوق و الاحترام.

أتمني تكون حضرتك مستفيد من اجاباتي و لا تتردد في السؤال أو الاستفسار عن أي شئ و شكرا جدا لكلاماتك الجميلة و لزيارتك الكريمة للمدونة. 

مواضيع مرتبطة :

خدمات الانترنت من شركات المحمول المصرية ADSL!!الجزء الاول"شركة اتصالات مصر"

صور راوتر اتصالات عندنا!!قمة في الشياكة و الاناقة!!!