قر و حسد من أولها!!!اتصالات ياجبارة!!!3.9 مليار درهم بس!!!

السلام عليكم و رحمة الله و بركاته

اتصالات مصر!!!تفتكر سبوبتها كام

من البداية بس الموضوع مش حسد أو نق...بس ديه حقائق و لازم الاعتراف بيها

هنقرا الكام السطر الجايين دول و احنا عاصرين علي نفسنا طن لمون..يلا

أرباح اتصالات الامارات 3.9 مليار درهم

"أعلنت مجموعة "اتصالات" الأحد، عن النتائج المالية للشهور الستة الأولى من العام 2010، والتي كشفت عن تحقيق المؤسسة الإماراتية نمواً في الإيرادات بنسبة 2 في المائة، في الوقت الذي تراجعت فيه الأرباح الصافية بنحو 700 مليون درهم إماراتي، أي ما يعادل حوالي 190 مليون دولار.

وأظهرت النتائج المالية للنصف الأول من العام الجاري، أن الشركة حققت نمواً في الإيرادات الموحدة، لتبلغ 16 مليار درهم، مقابل 15.7 مليار درهم في النصف الأول من العام الماضي، كما بلغت الأرباح الصافية للمجموعة حوالي 3.9 مليار درهم، مقابل 4.6 مليار درهم للفترة ذاتها من العام 2009."*

الكلام ده مش كلامي...ده كلام ال CNN...يعني قانون و ده لشركة اتصالات الاماراتية مش المصرية...الارباح 3.9 مليار درهم بسسسسسسسسسسسسسسسسسسسس

في ستة أشهر...و الشركة ديه في الامارات مابالك باللي في مصر...مصر فيها فوق التمانين مليون و الامارات 6.41 مليون نسمة يعني من الآخر عايزين نتأكد ان أرباح شركات المحمول في مصر شبة خرافية....المشكلة ان الناس لما بتسمع ان الدقيقة بمليم ولا نكلة بتهيص....لا ياجماعة..أنتم مش متخيلين حجم المكسب لشركات المحمول المصرية قد ايه...هو مش حسد أو قر...هو اعتراف بالواقع و ان المفروض المكالمات تبقا أرخص من كدة كمان و بكتير...أكيد حضرتكم شفتم كذا موضوع عن تحليل العروض اللي بتقدمها الشركات في مصر...اتفضلوا الروابط:

حتي الطلبة ياموبينيل!!الرحمة علي المواطن المطحون!!!شرح عرض الطلبة من شبكة موبينيل مصر!!

عرض موبينيل لرمضان:ادفع 25 جنية و بريزة و اتكلم 60 ساعة!!

ايه رأيك....شفت بقا هو بيكسب ماشاء الله قد ايه وراك...من الآخر محدش يضحك علينا بكلمتين في اعلان و يبقي فيه كمية خوابير ورا الموضوع..حاول تعرف كل حاجة و ياتري هو عمل العرض كدة ليه و اعقلها كويس علشان أكيد فيه "ان" و فعلا فيه "ان"

و ربنا يبعد عنا "ان" بتاعت فودافون و موبينيل و اتصالات....ادعولي أرباحي تبقي سمكة في بحر اتصالات........آمين

تفتكروا أرباحي في خلال العمر ممكن تكون 3.9 مليار نكلة مصرية!!!