• حداد لمدة أسبوع علي أرواح ضحايا أحداث بورسعيد الدامية

موبينيل : نظام أحسن ناس!!!كلم أصحابك كل يوم بس مش ببلاش أوي!!!

السبت، أغسطس 28، 2010 Labels:
السلام عليكم و رحمه الله و بركاته

مع موبينيل هنتكلم بس مش ببلاش أوي
 أولا العرض هو " كلم كل أصحابك كل يوم ببلاش(مش ببلاش أوي) مع نظام أحسن ناس!"

و الفكرة انك هتختار لحد 4 أرقام موبينيل و هتكلمهم ببلاش من الساعة 12 بليل لحد الساعة 6 مساءا كل يوم و باقي اليوم من 6 مساءا لحد الساعة 12 بليل ب 5 قروش الدقيقة.

نظام أحسن ناس!!!كلم أصحابك كل يوم بس مش ببلاش أوي


لحد دلوقتي الكلام جميل جدا الحمد لله......نبدأ نخش في شروط شركة موبينيل علشان تستفيد من الحوار ده:

هما شرطين بس الحمد لله :



1-لازم كل يوم تستفتح ب 3 دقائق لأي موبيل موبينيل أو فودافون أو اتصالات أو حتي خط أرضي و طبعا هتدفع التمن وقتي و التكلفة هتكون :

سعر الدقيقة لاي محمول موبينيل    =   20 قرش

سعر الدقيقة لأي محمول فودافون أو اتصالات أو خط ارضي    =  30 قرش 

و لو ربنا فتحها عليك....ما شاء الله طبعا....هنتكلم دولي

سعر المكالمة الدولية   =  50 قرش +السعر الرسمي للدقيقة الدولية



نظام أحسن ناس!!!كلم أصحابك كل يوم بس مش ببلاش أوي


2-فيه أكيد سياسة استخدام عادل في الشروط.....يعني هيا مش تكية تعد تتكلم من  الساعة 12 بليل لحد 6 مساءا ببلاش....مسموح لك ب 120 دقيقة يعني ساعتين بس يوميا و طبعا ده توتال لكل الارقام اللي انت ضفتها للخدمة مش كل واحد ساعتين!!!



نظام أحسن ناس!!!كلم أصحابك كل يوم بس مش ببلاش أوي

 بعض الاسئلة المهمة عن العرض..اتفضل:

1-افرض أنا اخترت 4 أرقام موبينيل و عايز أغير رقم أو غلطت و أنا بدخل الرقم أو أي حاجة؟؟
موبينيل بتسمحلك انك تغير الارقام مرة واحدة كل أسبوع و هتدفع ربع جنية علي كل رقم هتغيره

و للعلم أول مرة أنت لما تيجي تدخل الارقام لأول مرة...من حقك تدخلهم ببلاش بجد

2-طيب أنا ازاي أقولهم علي الارقام اللي أنا اخترتها؟؟؟
 كل اللي هتعمله انك تتصل ب 442 من موبيلك و تمشي مع الخطوات الآلية و تختار أرقامك سواء رقم أو اتنين أو تلاتة أو أربعة و هو أقصي حاجة

3-ايه هي أسعار باقي الخدمات زي الرسائل القصيرة SMS و الرسائل متعددة الوسائط و خدمة العملاء و غيره؟؟؟
الجدول ده من الموقع الرسمي لموبينيل و بيوضح كل حاجة ع أسعار الخدمات المختلفة:
جميع أسعار الخدمات المختلفة مع نظام "أحسن ناس" مع موبينيل




نظام أحسن ناس!!!كلم أصحابك كل يوم بس مش ببلاش أوي



دلوقتي نيجي لأهم سؤال...أشترك ازاي في الخدمة؟
لو أنت عميل جديد..اشتري خط ألو و اتصل ب 445 و اختار النظام ده"أحسن ناس"

لو أنت عميل قديم لموبينيل ألو يبقي اتصل ب 442 و حول برده لنظام "أحسن ناس".


نظام أحسن ناس!!!كلم أصحابك كل يوم بس مش ببلاش أوي
  
شكرا علي حسن المتابعة...و ياريت لو في أي استفسار أو سؤال...حضرتك ممكن تعلق علي الكلام و نحن في قمة المرونة لتقبل آرائكم و نقدكم

و هنا بعض اللنكات لمجموعة أخري من عروض شركة موبينيل في مجال المحمول و الانترنت فائق السرعة ADSL.



عرض موبينيل لرمضان:ادفع 25 جنية و بريزة و اتكلم 60 ساعة!! 



لو  تحب تكون من أوائل الناس اللي تتعرف علي عروض شركات المحمول المصرية فودافون موبينيل اتصالات , كل اللي عليك أنك تشترك بالمدونة و هتوصلك الاخبار أول بأول بمجرد نزولها في المدونة!
شكرا علي الزيارة الكريمة و ياريت تنورنا دائما!
للذهاب للصفحة الرئيسية , اضغط هنا 
 

3 تعليقات:

غير معرف يقول...

طيب دلوقتي انا مشترك في احسن ناس ومدخل الاربع ارقام ولما جيت اغير رقم منفعش
ملحوظه انا وصلت لغايه خطوه انهم هيخصموا جنيه وربع وبعد كده من نفسهم قبل ما ادخل الرقم قالولس لو تريد التأكيد اضغط كذا
يعني قبل ما اختار الرقم
وتاني سؤال \
رقم خدمه العملاء110ولا اتغير عشان حبيت اكلمهمعن المشكله
قالي معاك النجده

Unknown يقول...

ههههههههههههههههه جامد حوار المطافي ده!

حضرتك اتصل علي 16110 من موبايل موبينيل أو 202300023+ من أي خط أرضي و ده خدمة العملاء و ان شاء الله هما هيدلوك علب الحل الأمثل

شكرا لزيارتك الكريمة للمدونة و طبعا لا تتردد في اضافة أي أسئلة!

غير معرف يقول...

طيب لو سمحت عايزه اعرف لو انا كنت في احسن ناس وحولت ناظم تاني وعايزه ارجع احسن ناس تاني ايه رسوم التحويل

إرسال تعليق

 
عروض موبينيل - فودافون - اتصالات © 2011 | تعريب وتطوير : سما بلوجر | Designed by Blogger Hacks | Blogger Template by ColorizeTemplates